คำล่องสังขาร
วรรณกรรมในพิธีกรรม เป็นการที่ปราชญ์ในยุคก่อนได้เรียบเรียงแต่งขึ้นเพื่อใช้ในพิธีกรรมหนึ่งๆ เช่น คำเรียกขวัญ คำล่องสังขารในประเพณีสงกรานต์เป็นต้น
ขอหยิบยกเอาคำล่องสังขาร ของพ่อเปี้ย เก่งการธรรม ได้ประกอบพิธีล่องสังขารในวันสังขานต์ล่อง ณ ริมฝั่งน้ำแม่แจ่ม คำล่องสังขารว่าไว้ดังนี้
“โภนโต เทวสังขาโย ดูราปู่สังขาร ย่าสังขาร บัดนี้หมายมี สัทธาผู้ข้าทังหลาย ค็บ่ละเสียยังรีตบ่ลีดเสียยังปาเวณีล่วงแล้ว ปางก่อนบ่ได้อย่อนเสียยังการ สัทธาผู้ข้าทังหลาย ค็ได้น้อมนำมายัง บุปผาลาชาดวงดอก เข้าตอกดอกไม้เทียนงาม กับทังน้ำสุคันโธทก คัมภิโรทกะ น้ำเข้าหมิ้นส้มป่อยใส่ขันนำมาถวาย สักการะปู่ชา มีทังผาลาพ้าวตาลกล้วยอ้อย ช่อน้อยทุงไชย ปักแพไพเปนถ้อยดูงาม เพื่อจักขอส่งเคราะห์และนามปีเก่าแลใหม่ เปนต้นว่า เคราะห์ปลีวันเดือนยาม เคราะห์รอนรามหมาดไหม้ไข้แรมตน ทังพายในแลพายนอก หนแห่งห้องพายในหมายมีจิตตอุหัสสภัย พายนอกหมายมีราชภัย โจรภัย มนุสสภัย อัคคิภัย โลกันตรทุพภิกขภัย ต่างๆ นานา อย่าได้ฅ้างอยู่เหิงนาน ไพกับปู่สังขารย่าสังขารเสียในวันนี้ยามนี้ พ.ศ.นี้ เปนต้นไพพายหน้า ขอหื้อสัทธาผู้ข้าทังหลาย ได้พ้นจากเคราะห์ทังมวลชู่ผู้ชู่ฅนแท้ดีหลี ต่อนี้ไพพายหน้า ขอหื้อสัทธาผู้ข้าทังหลาย ได้รับโชคไชยลาภสการ จุ่งหื้อมีอายุปีเดือนวันยาม กะทำการงานอันใด ค็ขอสมริทธีทุกอย่าง หื้อได้ยุท่างกินแลทาน วัตถุบานชมชื่น หื้อได้เปนเจ้าเงินหมื่นเงินแสน แม่นกะทำนาค็หื้อได้เข้า มีลูกหลานค็สอนอยู่ถ้อยฟังคำ กะทำสวนแลไร่ จุ่งหื้อฝนดีทุกสิ่ง ฟ้าฝนตกดียิ่งตามระดูกาล ขอหื้อสัทธาผู้ข้าทังหลายได้อยู่ดี มีสุข อายุหมั้นยืนยาวได้ร้อยซาวพระวัสสา จัตตาโร ธัมมา วัฑฒันตุ อายุวัณโณ สุขัง พลังฯ สัพพี ฯลฯ สุขังพะลัง”
คำล่องสังขาร จากพับสาพ่อหนานเปี้ย เก่งการธรรม บ้านยางหลวง อ.แม่แจ่ม
เพิ่มข้อมูลโดย : admin
แก้ไขเมื่อ : 08 มี.ค. 2563 23:20
